كل ما تحتاج معرفته حول معهد Ifps لتكوين تقنيين المجال الصحي 🩺
السلام عليكم متابعي موقع WadifaVite.com للتوجيه المدرسي و فرص الشغل بالوظيفة العمومية و كذا القطاع الخاص.
في هذه التدوينة سنتطرق لمعهد Ifps المختص في تكوين التقنيين في المجال الصحي، في ما يلي سنتعرف على شروط الولوج و مهام كل تخصص وكيف تختار التخصص المناسب لك.
✅*مساعد في العلاج*
المعهد: ifps
المستوى المطلوب : الكطريام
مدة التكوين : سنة واحدة
أقسام التكوين : قراية + سطاج
تكلفة التكوين : 0 درهم يعني كتقرا فابور على حساب الدولة
فرص العمل : موجودة و الخدمة مضمونة.
مكان العمل : المشتشفيات الكبار أو الصغار أو المراكز الصحية او مصحات خاصة.
الصالير : 4700 درهم كبداية
الكنكور : كيكون غا تقافة عامة
✅*تقني في الكتابة الطبية الاجتماعية*
المعهد : ifps
المستوى المطلوب : نيفو باك جميع الشعب
مدة الدراسة : عامين
الصالير : 5200 درهم
الخدمة : كتكون بالنهار فقط
الدور : تنظيم و ادارة الملفات الطبية و المساعدة في كتابة التقارير الطبية بشكل رقمي
[ النظام الدراسي بمعاهد IFPS ]
✅أولا القراية كتكون باللغة الفرنسية لجميع الشعب
✓توقيت قراية كيكون (من 8 لـ 12 ومن 2 لـ 6) يعني 8 ساعات فاليوم ، من اثنين للجمعة (يعني يوم سبت والاحد خاويين)
✓ بالنسبة لغياب غيبتي ضروري كتجيب شهادة طبية والا غيبتي ايام دسطاج فخاصك تعوضهم يوم سبت والاحد وخا تجيب شهادة طبية.
⚫ماذا بالنسبة للعطل؟
✓فالصيف كيكون شهر واحد دالعطلة لي هو (شهر 8 ) وكيكونو عطل مرة مرة فيهم اسبوع او عطل فالاعياد .
✓الشرح دالاساتذة كيكون زوين ومفهموم حيث لي غيقريوكم كيكونو إما أطباء أو ممرضين عندهم خبرة كبيرة
✓كل مادة قريتوها ضروري كيكون فيها امتحان من بعد .
📌 بالنسبة لسلك تأهيلي : ( في نهاية سنة كتدوزو واحد امتحان وطني(كتابي وتطبيقي) كيكون علي صعيد جميع المعاهد ديال ifps فالمغرب كيكون فيه المواد لي قريتو ديك سنة .
📌 بالنسبة لسلك تقني : ( تاهما نفس شيء غير هما كيدوزوه جوج مرات
امتحان وطني في نهاية السنة الاولى وامتحان وطني اخر في نهاية السنة الثانية
الأن أنتاقلو لسنة كيفاش كدوز داخل معهد :
✓غالبا 3 شهور اولى كتكون غير قراية حيث خاص تكون واحد رصيد معرفي قبل ما يطلقوك لسطاجات .
✓كتكون قراية عن طريق دورس او انشطة تطبيقية او عروض كيقدموهم طلبة حول شي درس.
✓من بعد كيبداو سطاجات وكيوليو عندكم ايام فيها سطاج وايام فيهم قراية .
✓ هما كيقسموك وكيعطيوكم واحد planification ديال سطاج فيه les services لي غتدوزو .
✓وسطاج كيتعتابر مهم بزاف(كيمثل اكثر من 65٪ من العام الدراسي) حيث داكشي لي اتعلمو فيه اضعاف ما غتعلموه داخل حصص دراسية .
✅*تقني في تعقيم الأدوات الطبية*
المعهد : ifps
المستوى المطلوب : نيفو باك جميع الشعب
مدة الدراسة : عامين
الصالير : 5200 درهم كبداية
الخدمة : كتكون بالنهار فقط و مفيهاش تمارة
الدور : تعقيم و معالجة الأدوات الطبية
✅*تقني في الإسعاف*
المعهد: ifps
المستوى المطلوب : نيفو باك فما فوق
مدة التكوين : 2 سنوات
أقسام التكوين : قراية + سطاج
تكلفة التكوين : 0 درهم يعني كتقرا فابور على حساب الدولة
فرص العمل : موجودة و الخدمة مضمونة.
مكان العمل : المشتشفيات الكبار أو الصغار أو المراكز الصحية او مصحات خاصة.
الصالير : 5000 درهم كبداية
الكنكور : كيكون ثقافة عامة
✅*مساعد بالمركب الجراحي*
أحسن تخصص للناس اللي عزيز عليهم مجال الجراحة
المعهد : ifps
المصاريف : القراية في المعهد فابور لأنه تابع للدولة
المستوى المطلوب: نيفو باك
مدة التكوين : سنتين
الأفاق: امكن تخدم في الدولة و في البريفي و لا امكن تهاجر لألمانيا
الخدمة : مضمونة خصوصا هاد التخصص مطلوب بزاف و ثانيا مكاينش في المدارس الخاصة اذن معليهش الزحام
الصالير : 5200 في الدولة
في الكلينيك : 4000 درهم للفوق
✅*مساعد في رعاية و طب الشيخوخة*
المعهد :ifps
المستوى المطلوب: الثالثة اعدادي
مدة التكوين : عام واحد
الصالير : 4700 درهم
الصالير في ألمانيا: 25186 درهم
المهام : المساعدة في تقديم العلاجات للناس الكبار و مراقبة الحالة الصحية ديالهم
الأفاق : امكن تخدم في المستشفيات أو دار العجزة أو امكن تخدم مع الدولة و فنفس الوقت تخدم في العلاجات المنزلية ( كتمشي عند المريض لدارو كتقدم ليه العلاجات و كيخلصوك )
الهجرة : هذا التخصص هو أكثر تخصص مطلوب حاليا في ألمانيا
توزيع المقاعد في معهد ifps
