معلومات شامله على كل ما يتعلق ب ISPITS الجزء الأول :
▪️ عندك الحق دفع تخصص واحد في ispits تخصص واحد في مدينة وحدة
▪️ باك قديم غير مقبول فقط باك 2023و 2024 هوما ليعندهوم الحق يدفعو هاد العام ل ispits
▪️السن غير محدود يعني واخا عندك فوق 30 عام تقدر دخل تقرا تمريض
▪️العتبة غير محددة يعني بلا مدخل كمنتير تكتب انا عندي 10 واش نتقبل انا عندي 9 اشمن تخصص ندفع راه العتبة حتا واحد مكيحددها
▪️ باك اداب و علوم إنسانية عندكوم الحق في 4 تخصصات هوما : مساعد اجتماعي و مصحح النطق و نفساني حركي و الترويض بالعمل
▪️التسجيل في ispits غالبا نهاية شهر يوليوز وغادي يسالي نهار 15 غشت يعني عندكم الوقت
▪️ الكونكور غالبا نهاية شهر شتنبر يعني باقيلكم شهرين الكونكور راجع مزياان باقي الوقت غادي دوز في نهار واحد ماشي يومين غادي يتقسمو نص يدوز نهار والنصف لاخر فنهار
▪️ العتبة غير محددة بلا متجي تسولني انا عندي 10 انا عندي 9 واش ندفع واش نتقبل دفع تخصصات جداد وستنا يخرجو نتائج
معندكش الحق دفع مدينة من غير مدينتك ولا جهة ديالك نعطيك مثال دابا مثلا نتا خديتي ▪️الباك ديالك في فاس وبغيتي تقرا في وجدة راه مرفوض الطلب ديالك تقدر دفع مكناس بشرط داك تخصص ميكونش في مدينة ديالك
▪️بغيتي دفع شي مدينة ماشي مدينتك ولا جهة أخرة خاص ميكونش داك التخصص كاين في جهة ديالك كاملة ماشي غي مدينة راه جهة كاملة
📌أنهضر ليكم على كل تخصص بوحدو :
✔️علاش خصني ندير تخصص الصحة الأسرية و الصحة الجمعاتية في ispits :
▪️هذه المهنة كتعتابر من مهن المستقل اللي غيكثر عليها الطلب في مجال الصحة من هنا المستقبل بحيث الدور ديال هاد التخصص هو الوقاية من الامراض و الأوبئة في المجتمع و الأسرة و كذلك مراقبة الحالة الصحية و الحفاظ على الصحة العامة ، كما كنعرفو دبا العالم كامل كيعرف انتشار كبير للأوبئة و الأمراض خصوصا الامراض المزمنة بحال السكري و أمراض الضغط و الشرايين و الامراض المنقولة جنسيا ، هنا الدور ديال هاد التخصص هو الوقاية من هذه الامراض و المراقبة ديالهم و حتا العلاج .
▪️ وكيما كنعرفو الآن أي عائلة عندهم ولد صغير كتلقاهم شاريين ليه التلفون اللي كيأثر عليه بشكل سلبي لا من ناحية الدماغ ديال و حتا النضر و السمع و الحركة هنا الممرض المتخصص في الصحة الأسرية خاصو ادخل و دير التوعية و التحسيس لهاذ الاسر باش ميوقعوش فهاد المشاكل مع الأبناء ديالهم
▪️و بزاف ديال الامثلة خرين حنا عطينا غير بعض الامثلة ، هاذ التخصص هو تخصص المستقبل بإمتياز .
ملاحظة هاد التخصص مكيخدموش بالليل و كيقبلو النقاب و الحجاب الشرعي
✔️نفساني حركي تخصص كيقبل جميع الشعب الآداببه :
▪️مدة الدراسة ثلاث سنوات .
▪️بعد التخرج تمنح لك أجره شهري قدرها 6300 درهم.
▪️بإمكن إلى اي طلب اكمل دراسته بسلك الماستر و
حتى الدكتوره و الصالير كيفوق 15000 درهم
▪️اماكن العمل كتخدم في الدولة و فنفس الوقت مع
البريفي بالتالي ساهل توصل 10000 درهم غا
بالإجازة .
▪️أغلى حصص في مجال الترويض هي حصص نفساني
حركي كل حصة ب 600 درهم للفوق خلال الترويض.
▪️الدور ديل نفساني حركي معالجة الأمراض الحركية
اللي كيكون عندها سبب نفسي .
▪️مادة الاختبار هي علوم الحياة والأرض svt و اللغه
الفرنسية و خا تكون أدبي .
✔️ممرض متخصص في تصفية الدم و أمراض الكلي :
▪️تخصص باقي جديد خرج غا العام اللي فات
▪️العتبية : كتكون هابطة بزاف حيث تخصص جديد
▪️الصالير:6300dh كبداية مع الدولة + 1000 درهم شهريا ديال الحراسة
▪️امكن تخدم مع الدولة و فنفس الوقت مع الكلينيك يعني امكن توصل 10000dh درهم غا بالإجازة
▪️الأفاق :امكن تكمل ماستر و حتا الدكتوره و الصالير اقدر اوصل ل 15000درهم
▪️أكثر تخصص فيه انسانية كبيرة حيث الدور ديالك هو تخفيف ألم و علاج داك المريض مسكين اللي كيجي كل مرة ادير الدياليز دوك الناس المساكن اللي الحلم ديالهم ترجع ليهم صحتهم و أكثر حاجة مؤثرة فهاد التخصص هي أنه اقدر اجو عندك دراري صغار عندهم فشل كلوي و هاد الدراري غتبقا تشوفهوم تقريبا كل نهار مدة طويلة تا تعتبرهم واحد من عائلتك و نهار اموت ليك شي حد فيهم كدوز من أصعب لحظات فحياتك.
✔️ممرض في امراض الشيخوخة :
▪️التخصص باقي جديد
▪️العتبة كانت قل من 10 بين الوطني و الجهوي حيث ممعروفش و مدفعوش ليه بزاف سنة الماضية
▪️هو أكثر تخصص مطلوب في ألمانيا و الصالير 35000 درهم في الشهر كبداية
▪️الصالير في المغرب 6300dh كبداية
▪️امكن تكمل ماستر او حتا الدكتوره
▪️الدور ديالهم الأساسي هو يحميو لينا الناس الكبار مساكن من الامراض اللي كيجو مع السن
✔️تخصص العمليات الجراحية :
▪️الصالير :6300dh مع الدولة كبداية
▪️التخصص الوحيد اللي اقدر الكلينيكات اخلصوك كثر من الدولة
▪️العتبة :10 او 11 حيث باقي جديد
▪️الأفاق : اقدر تخدم مع الدولة و فنفس الوقت مع البريفي و بالتالي الصالير اقدر افوت 10000 درهم
▪️اقدر تكمل ماستر وحتى الدكتوره
✔️دور نفساني حركي و مصحح النطق :
هاد الشعب بجوج امكن اديرهم الأدبيين و العلميين
هدو تخصصات اقدر دير بيهم مشروع خاص
▪️المعالج النفسي الحركي هو أخصائي صحي يعالج إضرابات الحركة والإيماءة، عن طريق جلسات فردية أو جماعية، وذلك بعد اتباع وصفة وفحص طبيين. في هذا السياق، يبدأ المعالج بإجراء تشخيص لتقييم القدرات النفسية والحركية للمريض، ولتحديد أصل الاضطرابات وذلك من خلال محاورة المريض. ويتخصص المعالج الحركي النفسي في علاج مرضى من جميع الفئات العمرية، الذين يعانون من تشنجات، وتأتأة، وصعوبات في انشاء العلاقات والحفاظ على التوازن العاطفي، و تأخر النمو النفسي الحركي، وعدم الاتزان ، وقصور في تصنيف أو تنسيق الايماءات. وبالتالي، يسعى المعالج إلى تحقيق التصالح بين المريض وجسمه.
▪️يعمل مصحح النطق عادةً مع أناس لا يستطيعون إخراج الكلام بطريقة صحيحة، أو حتى يعجزون عن لفظه نهائياً، مثل الأفراد الذين يعانون من مشاكل في الطلاقة كالتأتأة أو درجة الصوت المنخفضة جداً أو المرتفعة جداً، فضلاً عن عدم القدرة على لفظ بعض الحروف أو الخلط بينها (B – P ) – (ض – د) – (س – ث)- (ل- ر).. أو استبدال حرف مكان آخر. وهم أيضاً قد يتدخّلون في تصويب اللّهجة accent خاصّة عند الأشخاص الذين١س١ يتعلّمون لغة أجنبيّة
هاد التخصصات بجوج كيدوزو svt و الفرنسية و خا تكون أدبي.
✔️تقني الصحة و البيئة :
▪️تخصص كيقبل الشعب العلمية
▪️مدة الدراسة: 3 سنوات
▪️الأفاق :امكن تكمل ماستر و حتى الدكتورة
▪️الصالير:كبداية 6300dh
▪️امكن تخدم في المستشفيات (الدولة أو chu ) مندوبية الصحة ، الجماعة (BMH )،المطار أو المناء(المراقبة الصحية في الحدود )
▪️الدور : الوقاية من الأمراض و تدبير الأخطار الصحية
▪️الكنكور كدوزو في svt و الفرنسية
📌واش القراية في ispits كتبغي المصاريف بزاف ؟
✔️اولا خصك تعرف باللي كاينة المنحة
✔️ثانيا خصك تعرف باللي بعض المدن فيهم الداخلية الا مكانتش راه كاين الحي الجامعي.
✔️بالنسبة للناس اللي ساكنين فنفس الدينة و لكن بعيدة عليهم ispits فلكارط ديال الطوبيس ديال الطلبة رخيصة
✔️ولكن الدروس كثار في ispits و غيخصك على الاقل واحد 300 درهم للشهر باش تخرجهم لا لا لا لا هدشي كان شحال هدي دبا الأساتذة ولو كيسيفطو ليك الدرس على شكل pfe و متحاجش تخرجهم.
✔️بالنسبة للسطاج راه مكتحتاجش شي لوازم اللي غالية بزاف يكفي مذكرة و الأقلام و المعقم باش تحمي راسك بالنسبة لدكشي لاخور راه كتلقاه في المستشفى
✔️بغيت نوصل ليك باللي خصك تمسك بالحلم ديالك كيما كانت ظروفك.
✔️ممرض في الصحة النفسية :
▪️مدة الدراسة: 3 سنوات
▪️الصالير: 6300dh مع كبداية
▪️الافاق : امكن تكمل ماستر او حتى الدكتوره
▪️مكان العمل : المشتشفيات و الكلينكات او القوات المسلحة او الأمن الوطني او نوادي رياضية او شركات كبرى
▪️الدور ديالو هو علاج المرضى النفسيين
▪️العتبة كتكون طايحة في اغلب المدن و بالنسبة للمدن الصغار راه مكتلقاش مشكيل في الإنتقاء
✔️صيانة المعد المعدات البيوطبية :
▪️احسن تخصص للناس اللي عزيز عليهم اخدمو مع الآلات
▪️تخصص بزاف د الناس دارو منو فلوس صحيحة
▪️هو اكثر تخصص مطلوب بدول الخليج
▪️الدور ديالك كيكون اصلاح الاجهزة الطبية بحال السكانير و الراديو...
▪️الصالير مع الدولة : 6300dh كبداية
▪️امكن تخدم مع الدولة و فنفس الوقت مع البريفي اذن امكن تحقق 10000dh غا بالاجازة
▪️الخدمة كتكون قليلة و مرتاحة بزاف
▪️الأغلبية كيدير مشروع خاص كيصلح هاد الاجهزة و لا كيبيع فيهم
▪️سير قلب شحال ديال الربح في الاجهزة الطبية راه غتصدم
▪️الكنكور كيدوز في الفزياء اللي كتحط ساهلة بزاف و الفرنسية
كانت هذه الفقرة او الجزء الأول من معلومات شاملة حول معهد الامريض ISPITS الفقرة الثانية او الجزء الثاني على موقعنا WadifaVite.com
